Aplikacione në ofertë - 6 Janar 2020

Ja ku jemi në takimin tonë të përditshëm me rubrikën "Aplikacione në ofertë" ku ju ofrojmë aplikacionet dhe lojërat më interesante në ofertë, të përzgjedhura për ju nga iPhoneAlbania. Aplikacione të ndryshme falas apo me një çmim më të ulët se ai i zakonshmi në App Store, për një periudhë të limituar kohe. Ja dhe lista e disa aplikacioneve në ofertë për ditën e sotme:

- 30 Day Fitness, nga 9.79€, falas
30 Day Fitness është një program edukativ i cili do t'ju mësojë ushtrime fizike të cilat mund ti bëni edhe në shtëpi nëse doni të mbani në lëvizje trupin por nuk keni kohë të shkoni në palestër. Ai do t'ju sjellë çdo ditë një listë me ushtrime të cilat duhet ti mësoni dhe ti bëni me frekuencën e kërkuar. Gjithashtu në fund të ditës do të keni statistika të cilat do t'ju ndihmojnë të motivoheni më shumë. Kujtojmë që paketën falas mund ta merrni nëpërmjet App Purchase për një kohë të limituar.

- Fireworks Tap, nga 1.79€, falas. /iPhone, iPad
Fireworks Tap është një program i cili ju jep mundësinë të modifikoni imazhe duke u nisur nga elementët bazë, të cilët me pak fantazi mund ti kombinoni dhe të krijoni efekte me të vërtetë spektakolare. Sot ky program mund të shkarkohet falas.

- Amount: Unit Converter, nga 0.89€, falas. /iPhone, iPad
Amount Unit Converter është një program i dobishëm i cili ju jep mundësinë të konvertoni vlera të ndryshme nga një njësi matëse në një tjetër. Ndryshe nga programet e tjerë, ai është mjaft i thjeshtë për tu përdorur dhe është ndërtuar mbi një grafikë të bukur.

Ju kujtojmë se për të shkarkuar aplikacionet që janë falas në App Store nuk ka nevojë për rregjistrim me kartë krediti. Për të shkarkuar në këtë mënyrë ju ftojmë të ndiqni guidën e regjistrimit në këtë artikull ose mund të shikoni video guidën tonë në Youtube.

Shënim: Çmimet dhe ofertat e përmendura në këtë artikull janë të vlefshme gjatë periudhës që janë shkruar dhe këto mund të ndryshojnë në orët e ardhshme, pasi kjo nuk varet nga ne. /iPhoneAlbania