Që prej 2018-ës Google gradualisht ka shtuar disa mënyra për të raportuar incidentet në rrugë, si aksidente, mbyllje rruge apo ngadalësime në trafik, funksione të cilat u popullarizuan nga Waze dhe u përcollën në Google Maps në Android. Në një postim në blog Google tha se përdoruesit e iPhone së shpejti do të mund të raportojnë aksidentet, kurthet e shpejtësisë dhe ngadalësimet e trafikut.

Për të raportuar një incident duhet të klikoni butonin e ri nën ikonën e kompasit siç e tregon edhe imazhi GIF. Përdoruesit e iOS nuk janë të vetmit që do të marrin këto opsione sepse Google thotë se të dy platformat, përfshirë edhe Android mund të raportojnë punime në rrugë, mbyllje korsie, makina me probleme dhe objekte në rrugë.


Një prej pikave më të forta të Waze ka qenë saktësia e informacionit duke i dhënë drejtuesit të makinës një panoramë të qartë se çfarë po ndodh në rrugën ku është nisur dhe kushteve të saj. /iPhoneAlbania

0 komente:

Post a Comment