Aplikacione në ofertë - 16 Prill 2019

Ja ku jemi në takimin tonë të përditshëm me rubrikën "Aplikacione në ofertë" ku ju ofrojmë aplikacionet dhe lojërat më interesante në ofertë, të përzgjedhura për ju nga iPhoneAlbania. Aplikacione të ndryshme falas apo me një çmim më të ulët se ai i zakonshmi në App Store, për një periudhë të limituar kohe. Ja dhe lista e disa aplikacioneve në ofertë për ditën e sotme:

- Motif, nga 1.79€, falas. /iPhone, iPad
Motif është një lojë me temë kuic ku duhet të bashkoni të gjitha pjesët e motivit të vizatuar në ekran, të cilat janë shpërndarë. Duhet që bashkimi i tyre të bëhet në kohën e duhur dhe me sa më pak lëvizje.

- Son of the Sun, nga 0.89€, falas. /iPhone, iPad
Son of the Sun është një libër interaktiv për fëmijë dhe jo vetëm, i cili tregon nëpërmjet animimeve se si rrezet e diellit shpërndahen kudo në botë. Gjithashtu ato shoqërohen edhe me mini lojëra të cilat janë ndërtuar në formë kuici.

Ju kujtojmë se për të shkarkuar aplikacionet që janë falas në App Store nuk ka nevojë për rregjistrim me kartë krediti. Për të shkarkuar në këtë mënyrë ju ftojmë të ndiqni guidën e regjistrimit në këtë artikull ose mund të shikoni video guidën tonë në Youtube.

Shënim: Çmimet dhe ofertat e përmendura në këtë artikull janë të vlefshme gjatë periudhës që janë shkruar dhe këto mund të ndryshojnë në orët e ardhshme, pasi kjo nuk varet nga ne. /iPhoneAlbania