Call of Duty Mobile do të vijë së shpejti në App Store

Activision po punon për një lojë të re FPS të linjës Call of Duty që do të jetë së shpejti e disponueshme në App Store. Call of Duty është një nga lojërat më të famshme dhe më të suksesshme të historisë, por që në mobile nuk ka patur shumë sukses. Activision ka menduar për diçka të madhe duke sjellur një titull që premton me të vërtetë shumë.

Loja do të jetë një Battle Royal free-to-play, por për momentin nuk e dimë nëse do të përfshijë edhe blerje in-app në stilin Fortnite. Një video trailer pasqyron atë çfarë duhet të presim nga kjo lojë që Activision do ta përqëndrojë tek multiplayer online.

Nga videoja zbulojmë se Call of Duty Mobile do të ketë një gameplay me 60fps dhe se tek opsionet e lojës do të jenë sigurisht Team Deathmatch, Free-for-all dhe Search & Destroy. Do të kemi mundësinë të interpretojmë edhe personazhe ikonë si Captain Price dhe Ghost të Call of Duty: Modern Warfare. Loja duhet të jetë e disponueshme gjatë kësaj vere. /iPhoneAlbania