Apple do të sjellë teknologjinë 5G gjatë vitit 2020

Sipas Bloomberg, i cili është një nga portalet më të njohur në rrjet që trajtojnë produktet elektronike, Apple do të presë vitin 2020 për të integruar në iDevice teknologjinë 5G. Kjo vonesë nuk është e rastësishme dhe është pasojë e inxhinierëve të Apple të cilët mendojnë se versioni i parë i rrjetit 5G do të ketë shumë probleme në fillim dhe kjo do ti shkaktonte shumë shqetsime përdoruesve.

Për të suportuar rrjetin 5G duhet që iDevice të integrojë chip-in e duhur dhe aktualisht janë në garë shumë kompani të cilat duan të fitojnë kontratën e furnizimit ku ndër të para rradhitet Intel e cila po bën të pamundurën për të sjellë modem-in e duhur për rrjetin 5G, ku qëllimi kryesor do të jetë konsumi sa më pak i baterisë. Gjithashtu në garë është Samsung dhe LG që po punojnë për të nxjerrë versionet e para të chip-eve për SmartPhone.

Pra sipas parashikimeve, rrjeti 5G do të shfrytëzohet nga Apple vetëm duke filluar nga viti 2020. /iPhoneAlbania