Aplikacione në ofertë - 8 Dhjetor 2018

Ja ku jemi në takimin tonë të përditshëm me rubrikën "Aplikacione në ofertë" ku ju ofrojmë aplikacionet dhe lojërat më interesante në ofertë, të përzgjedhura për ju nga iPhoneAlbania. Aplikacione të ndryshme falas apo me një çmim më të ulët se ai i zakonshmi në App Store, për një periudhë të limituar kohe. Ja dhe lista e disa aplikacioneve në ofertë për ditën e sotme:

- Preposition Builder Master, nga 1.79€, falas. /iPhone, iPad
Preposition Builder Master është nje lojë me temë kuic nëpërmjet të cilës mund të vendosni në provë njohuritë mbi gjuhën angleze. Gjatë lojës do t'ju kërkohet të plotësoni fjalitë me fjalët që keni në dispozicion dhe brënda një kohe të caktuar. Sot mund ta shkarkoni falas.

- Learn how to make Origami, nga 1.79€, falas. /iPhone, iPad
Learn how to make Origami është një guide për fëmijë dhe jo vetëm, nëpërmjet të cilës ato mund të mësojnë të krijojnë figura të ndryshme prej letre. Vetëm me pak hapa dhe vëmëndjen programi do ti mësojë teknikat për ndërtimin e tyre.

- CityMaps2Go Pro, nga 1.79€, falas. /iPhone, iPad
CityMaps2Go është një program shumë i dobishëm për të gjithë ju që udhëtoni shpesh dhe doni të ruani vëndet që keni vizituar, në hartë. Në mënyrë shumë të thjeshtë dhe intuitive programi ju lejon të ruani çdo detaj të udhëtimit duke krijuar kështu albume të udhëtimeve që bëni. Ai ka një vlerësim të lartë në App Store dhe ju mund ta shkarkoni falas.

Ju kujtojmë se për të shkarkuar aplikacionet që janë falas në App Store nuk ka nevojë për rregjistrim me kartë krediti. Për të shkarkuar në këtë mënyrë ju ftojmë të ndiqni guidën e regjistrimit në këtë artikull ose mund të shikoni video guidën tonë në Youtube.

Shënim: Çmimet dhe ofertat e përmendura në këtë artikull janë të vlefshme gjatë periudhës që janë shkruar dhe këto mund të ndryshojnë në orët e ardhshme, pasi kjo nuk varet nga ne. /iPhoneAlbania