Publikohen rezultatet e para benchmark të MacBook Pro me skedën e re grafike Vega

Javën e kaluar Apple shtoi si opsion për MacBook Pro 15", skendën grafike Vega 16 dhe 20. Le t'i shohim sëbashku se cilët kanë qenë rezultatet benchmark që janë arritur me modelet e reja. Modeli i ri MacBook Pro disponon një skedë grafike AMD Vega 20. MacRumors ka publikuar rezultatet e Geekbench, që tani mund t'i krahasojmë me ato të modeleve më të vjetra.

Pajisja që është testuar për këtë benchmark, ka një proçesor Intel 2,6 GHz Core i7, një skedë grafike AMD Radeon Pro Vega 20, 16 GB RAM dhe 1 TB SSD. Me këto karakteristika teknike kompjuteri ka arritur 72.799 pikë në OpenCL. Me të njëjtën skedë grafike dhe një proçesor i9, MacBook Pro ka arritur 73.953 pikë.

Me skedën grafike të mëparshme, i njëjti MacBook Pro arrin 65.000 pikë në OpenCL. Një diferencë jo shumë e madhe por e ndjeshme. Skeda e re grafike Vega 16 kushton 300€ më shumë në krahasim me modelin bazë, ndërsa Vega 20 kushton 420€. /iPhoneAlbania