iPhone XS ka një modem 4G dy herë më të shpejtë se iPhone XR

Modeli i ri iPhone XR në shumë aspekte është i ngjashëm me iPhone XS, por ka disa dallime mjaft të rëndësishme. Njëra nga këto është zbuluar së fundmi nga PC Magazine dhe ka të bëjë me shpejtësinë e rrjetit mobile të të dyja pajisjeve.

Për të shitur iPhone XR me një çmim më të arsyeshëm, Apple ka kursyer disa karakteristika të modelit XS. Praninë e një ekrani LCD në vend të atij OLED, mungesën e 3D Touch, një fotokamera të vetme në pjesën e pasme, janë disa nga limitimet e modelit të ri iPhone XR.

Një tjetër dallim që është zbuluar së fundmi nga PC Magazine, është shpejtësia e transmetimit të të dhënave me modemin 4G. Ndërsa iPhone XS përdor një çip 4×4 MIMO,  iPhone XR përdor një 2×2 MIMO. Kjo përkthehet ndryshe edhe në një shpejtësi të dyfishtë në transmetimin e të dhënave mobile nga ana e iPhone XS. Ndërsa iPhone XS arrin 400 Mps në download, iPhone XR arrin rreth 200 Mps. /iPhoneAlbania