DisplayMate: iPhone XS Max ka ekranin më të mirë që është montuar ndonjëherë në një smartphone

iPhone XS Max ka ekranin më të mirë që është montuar ndonjëherë në një smartphone, të paktën sipas testeve të bëra nga DisplayMate. Ekrani i iPhone XS Max sjell disa përmirësime në krahasim me ekranin e iPhone X, më shumë ndriçim dhe ngjyra më të detajuara, siç raporton DisplayMate. Në testet e bëra, ekrani i iPhone XS Max i ka kaluar pjesën më të madhe të rekordeve të kaluara.

Për shembull, kulmin e ndriçimit të erkanit kjo pajisje e arrin në 660 nit për ngjyrat sRGB dhe DCI-P3, duke përmirësuar shikimin e ekranit në kushte me ndriçim të lartë të ambientit përreth. DisplayMate ka matur edhe reflektimin e ekranit të iPhone XS Max, që arrin në 4,7%. Është vlera më e ulët që është arritur në një smartphone:

"Si rezultat i këtij ndriçimi të lartë dhe i një reflektimi të ulët, iPhone XS Max arrin nivelin më të mirë të kontrastit në kushtet e një ambienti me ndriçim të lartë në krahasim me çdo smartphone të testuar deri sot".

Vlerësimi është i qartë: "Ekrani i iPhone XS Max është mbresëlënës". Rezultati final është A+, asnjë smartphone më parë ka arritur këtë rezultat. /iPhoneAlbania