Aplikacione në ofertë - 21 Shtator 2018

Ja ku jemi në takimin tonë të përditshëm me rubrikën "Aplikacione në ofertë" ku ju ofrojmë aplikacionet dhe lojërat më interesante në ofertë, të përzgjedhura për ju nga iPhoneAlbania. Aplikacione të ndryshme falas apo me një çmim më të ulët se ai i zakonshmi në App Store, për një periudhë të limituar kohe. Ja dhe lista e disa aplikacioneve në ofertë për ditën e sotme:

- Game42 Premium, nga 1.79€, falas. /iPhone, iPad
Game42 Premium është një program i cili përmban 9 lojëra me tëmë kuic e cila i dedikohet fëmijëve dhe jo vetëm. Duhet të luftoni kundra sistemit i cili për tu mundur, kërkon të gjithë përqëndrimin tuaj dhe kjo do ti bëjë orët e lira edhe më argëtuese. Sot këtë program mund ta merrni falas.

- Learning Spanish: Phrase Master, nga 3.79€, falas. /iPhone, iPad
Learning Spanish është një program edukativ i cili sjell në iOS një mënyrë interaktive, e cila shoqërohet edhe me zgjidhjen e kuiceve, për të mësuar gjuhën spanjolle. Programi i dedikohet fëmijëve e të rriturve dhe sot mund të shkarkohet falas.

- Word Jam, nga 2.79€, falas. /iPhone, iPad
Word Jam është një lojë e thjeshtë me temë kuic ku gjithçka që duhet të bëni për të fituar, është të zgjidhni shprehjet duke u nisur nga fjalët. Është një lojë e thjeshtë për tu luajtur por kërkon dhe impenjim me kalimin e niveleve.

Ju kujtojmë se për të shkarkuar aplikacionet që janë falas në App Store nuk ka nevojë për rregjistrim me kartë krediti. Për të shkarkuar në këtë mënyrë ju ftojmë të ndiqni guidën e regjistrimit në këtë artikull ose mund të shikoni video guidën tonë në Youtube.

Shënim: Çmimet dhe ofertat e përmendura në këtë artikull janë të vlefshme gjatë periudhës që janë shkruar dhe këto mund të ndryshojnë në orët e ardhshme, pasi kjo nuk varet nga ne. /iPhoneAlbania