ZYRTARE: Apple do të prezantojë modelet e reja iPhone më 12 Shtator

Tani është zyrtare, Apple do të mbajë një konferencë më 12 Shtator, pranë Steve Jobs Theater. Pas disa ditësh plot hipoteza, Apple ka zyrtarizuar datën e prezantimit të modeleve të reja iPhone: dy modele me ekran OLED (iPhone X i gjeneratës së dytë dhe iPhone X Plus), dhe një me ekran LCD 6.1″.

Zërat rreth modeleve të reja po qarkullojnë prej disa muajsh, dhe nëse disa karakteristika duket se janë pothuajse të sigurta (dizajni për shembull), ka shumë dyshime për risitë e tjera. Por me 12 shtator iPhone mund të mos jetë i vetmi protagonist.

Apple mund të prezantojë Apple Watch Series 4 (modelet janë regjistruar që tani në Euroasia), iPad Pro, MacBook dhe informacione të reja rreth AirPower, baza e karikimit wireless për më shumë pajisje njokohësisht. /iPhoneAlbania