Aplikacione në ofertë - 27 Gusht 2018

Ja ku jemi në takimin tonë të përditshëm me rubrikën "Aplikacione në ofertë" ku ju ofrojmë aplikacionet dhe lojërat më interesante në ofertë, të përzgjedhura për ju nga iPhoneAlbania. Aplikacione të ndryshme falas apo me një çmim më të ulët se ai i zakonshmi në App Store, për një periudhë të limituar kohe. Ja dhe lista e disa aplikacioneve në ofertë për ditën e sotme:

- Starborn Anarkist, nga 2.79€, falas. /iPhone, iPad
Starborn Anarkist është një lojë me aksion dhe strategji ku duhet të ndërtoni anije fluturuese nga garazhdi juaj dhe më pas të luftoni në hapësirë. Gjatë lojës do të keni mundësi të përmirësoni armaturën duke i shkaktuar dëme të rënda armikut. Ja vlen ta merrni këtë lojë.

- Table Tennis Touch, nga 0.89€, falas. /iPhone, iPad
Table Tennis Touch është një lojë që sjell në iOS lojën e tenisit në tavolinë ose ping pong-ut. Do të keni mundësi të luani në stilin e karrierës ose mund të sfidoni miqtë online në kampionate të ndryshme. Sot këtë lojë mund ta merrni falas.

- Flink: Calendar Note, nga 0.89€, falas. /iPhone, iPad
Flink është një program i dobishëm nëpërmjet të cilit mund të shkruani shënime ditore dhe ti ruani në kalendar. Ndryshe nga programet e tjerë ai është ndërtuar mbi një veshje grafike mjaft inovative dhe është shumë i thjeshtë për tu përdorur.  Sot mund ta merrni falas.

Ju kujtojmë se për të shkarkuar aplikacionet që janë falas në App Store nuk ka nevojë për rregjistrim me kartë krediti. Për të shkarkuar në këtë mënyrë ju ftojmë të ndiqni guidën e regjistrimit në këtë artikull ose mund të shikoni video guidën tonë në Youtube.

Shënim: Çmimet dhe ofertat e përmendura në këtë artikull janë të vlefshme gjatë periudhës që janë shkruar dhe këto mund të ndryshojnë në orët e ardhshme, pasi kjo nuk varet nga ne. /iPhoneAlbania