“Asphalt 9: Legends” zbarkon në App Store

“Asphalt 9: Legends”, kapitulli i ri i njërës prej lojërave më të mira me gara makinash, është tani e disponueshme në App Store. Asphalt 9: Legends, në krahasim me versionet e mëparshme, ofron për përdoruesin më shumë realizëm duke iu afruar shumë grafikisht versionit për konsol.

Motori i ri grafik i zhvilluar nga Gameloft, mbështet teknologjinë HDR (high dynamic range) dhe PBR (physically based rendering) dhe i ofron disa reflekse mjaft të detajuara siç ndodh në realitet. Mund të luani dhe të bëni akrobacira të ndryshme dhe të shfrytëzoni eksperiencën e re Touchdrive.

Asphalt 9: Legends sjell edhe një funksion të ri multiplayer për të luajtur në kohë reale deri me 8 pilotë njëkohësisht. /iPhoneAlbania

Asphalt 9: Legends | iOS 8 | App Store - Falas