Aplikacione në ofertë - 11 Korrik 2018

Ja ku jemi në takimin tonë të përditshëm me rubrikën "Aplikacione në ofertë" ku ju ofrojmë aplikacionet dhe lojërat më interesante në ofertë, të përzgjedhura për ju nga iPhoneAlbania. Aplikacione të ndryshme falas apo me një çmim më të ulët se ai i zakonshmi në App Store, për një periudhë të limituar kohe. Ja dhe lista e disa aplikacioneve në ofertë për ditën e sotme:

- YourApparel, nga 2.79€, falas. /iPhone, iPad
Your Apparel është një program i dobishëm nëpërmjet të cilit mund të ruani fotot e veshjeve që keni në dispozicion, ti kombinoni sipas dëshirës dhe më pas ti konsultoni kombinimet e ruajtuara më parë duke patur kështu një këshillues të vërtet për veshjen ditore.

- Noizio, nga 0.89€, falas. /iPhone, iPad
Noizio është një program  i cili do t'ju japë mundësi të vendosni në sfond melodi të cilat do të izolojnë totalisht zhurmat që vijnë nga ambjenti i jashtëm duke ju ndihmuar të përqëndroheni tek aktivitet që po bëni. Gjithashtu mund të zgjidhni dhe melodi të cilat do t'ju transportojnë shumë larg nga realiteti.

- Calc Swift, nga 0.89€, falas. /iPhone, iPad
Calc Swift është një program i cili sjell në iOS një makinë llogaritëse e cila është një alternativë e mirë e programin Calculator në iOS por dhe shumë funksione të tjera shkencore të cilat do ju vijnë në ndihmë duke ju lehtësuar llogaritjet matematikore që mund të jeni duke bërë.

Ju kujtojmë se për të shkarkuar aplikacionet që janë falas në App Store nuk ka nevojë për rregjistrim me kartë krediti. Për të shkarkuar në këtë mënyrë ju ftojmë të ndiqni guidën e regjistrimit në këtë artikull ose mund të shikoni video guidën tonë në Youtube.

Shënim: Çmimet dhe ofertat e përmendura në këtë artikull janë të vlefshme gjatë periudhës që janë shkruar dhe këto mund të ndryshojnë në orët e ardhshme, pasi kjo nuk varet nga ne. /iPhoneAlbania