Apple AirPower do të vijë brenda shtatorit

Apple AirPower është aksesori për rikarikimin wireless i prezantuar nga Apple gjatë shtatorit të kaluar, me rastin e prezantimit të iPhone X dhe iPhone 8/8Plus. Apple kishte njoftuar se ky aksesor do të dilte në shitje gjatë vitit 2018, pa specifikuar datën. Mark Gurman ka pohuar se aksesori do të lëshohet zyrtarisht këtë shtator.

Shkak i kësaj vonese kanë qenë problemet teknike të natyrës hardware dhe software që ka hasur Apple: rreziku i mbinxehjes, struktura komplekse e aksesorit dhe shumë bug software. AirPower nuk është një karikues baterie bazë, por është i pajisur me një çip Apple në gjëndje të ekzekutojë një version të reduktuar iOS.

AirPower shfrytëzon teknologjinë Apple që është në gjëndje të kryejë një rikarikim wireless të disa pajisjeve njëkohësisht. /iPhoneAlbania