Ashtu siç e kishte premtuar edhe vetë Apple, me lëshimin e iOS 11.3 gjatë kësaj pranvere, edhe modelet iPhone me bateri të konsumuar do të rikthehen të funksionojnë me shpejtësinë maksimale. Konfimimi vjen nga një test i bërë nga zhvilluesi Felipe Espósito i cili ka instaluar iOS 11.3 beta në një iPhone 6 Plus.

Përpara përditësimit të sitemit operativ, duke përdorur iOS 11.2.1, terminali arrin në programin Geekbench 4.2.1 1.306 pikë në testin single core dhe 2.247 në multi-core, rezultate që vijnë si pasojë e ngadalësimit të aktivizuar nga Apple për pajisjet me bateri të konsumuara.

Të gjitha rezultatet janë më të larta pas instalimit të iOS 11.3 beta, në këtë rast me funksionin e ngadalësimit të performancës të ç'aktivizuar: në testin single-core i njëjti terminal arrin 1.510 pikë, ndërsa në multi-core arrin 2.621 pikë. /iPhoneAlbania

0 komente:

Post a Comment