Apple dhuron lojën "Telepaint". Kurseni 3,49€

Ja ku jemi me rubrikën tonë javore "Aplikacioni falas i javës", takimi i shumëpritur me ofertën falas të javës të zgjedhur nga stafi i Apple. Çdo javë një aplikacion ose lojë e famshme mund të shkarkohet falas për një periudhë të limituar kohe. Kësaj here Apple ka zgjedhur lojën Telepaint.

Telepaint është një lojë origjinale puzzle ku lojtari duhet të aktivizojë portalet për të dërguar kovat me bojë në destinacion, në disa nivele gjithmonë e më komplekse. Gameplay është shumë i thjeshtë, por do të bëhet më i vështirë nga niveli në nivel. Muzika është origjinale dhe i përshtatet mjaft mirë aksioneve të lojës.

Si çdo app i përzgjedhur nga Apple si "Aplikacioni falas i javës", edhe Telepaint do të jetë falas për një periudhë të limituar, kështu që ju këshillojmë ta shkarkoni sa më shpejt nëse jeni të interesuar. Është kompatibël me iPhone 5, iPhone 5c, iPhone 5s, iPhone 6, iPhone 6 Plus, iPhone 6s, iPhone 6s Plus, iPhone SE, iPad dhe iPod touch. Kërkon iOS 9.1 ose një version më të ri. /iPhoneAlbania