Aplikacione në ofertë - 7 Qershor 2017

Ja ku jemi në takimin tonë të përditshëm me rubrikën "Aplikacione në ofertë" ku do ju ofrojmë aplikacionet dhe lojërat më interesante në ofertë nga App Store, të përzgjedhura për ju nga iPhoneAlbania. Aplikacione të ndryshme falas apo me çmim më të ulët se ai i zakonshmi në App Store për një periudhë të limituar kohe. Ja dhe lista e disa aplikacioneve në ofertë për ditën e sotme:

- Iron Sea Defenders, nga 0.89€, falas. /iPhone, iPad

Në këtë lojë do t'ju duhet të mbroni vëndin tuaj duke luftuar kundra flotave detare që do t'ju sulmojnë nga deti. Gjatë lojës mund të përmirësoni armët kundra anijeve luftare në mënyrë të tillë që të dëmtoni sa më shumë armikun. Ja vlen ta provoni këtë lojë.

- SplashTop Personal, nga 4.79€, falas. /iPad
SplashTop Personal është një program profesional nëpërmjet të cilit ju mund të lidheni me një PC Windows që ekspozon funksionin Remote Desktop Connection. Pasi keni kryer lidhjen mund ta kontrolloni atë kudo që jeni. Ja vlen ta merrni këtë program.

- OfficeSuite Personal Edition, nga 8.99€, falas. /iPhone, iPad
OfficeSuite është një program mjaft profesional i cili do të na japë mundësinë të editojmë file të ndryshëm. Ju mund të editoni file me formatin PDF si dhe dokumente të paktës Microsoft. Funksionet janë mjaft të thjeshta dhe intuitive. Ja vlen ta keni këtë program.

Ju kujtojmë që për të shkarkuar aplikacionet që janë falas në App Store nuk ka nevojë për rregjistrim me kartë krediti. Për të shkarkuar në këtë mënyrë ju ftojmë të ndiqni guidën e rregjistrimit në këtë artikull ose mund të shikoni video guidën tonë nga ky link.

Shënim: Çmimet dhe ofertat e përmendura në këtë artikull janë të vlefshme gjatë periudhës që janë shkruar dhe këto mund të ndryshojnë në orët e ardhshme, pasi nuk varet nga ne. /iPhoneAlbania