Aplikacione në ofertë - 19 Qershor 2017

Ja ku jemi në takimin tonë të përditshëm me rubrikën "Aplikacione në ofertë" ku ju ofrojmë aplikacionet dhe lojërat më interesante në ofertë, të përzgjedhura për ju nga iPhoneAlbania. Aplikacione të ndryshme falas apo me një çmim më të ulët se ai i zakonshmi në App Store, për një periudhë të limituar kohe. Ja dhe lista e disa aplikacioneve në ofertë për ditën e sotme:

- LightEaters, nga 0.89€, falas. /iPhone, iPad
LightEaters është një lojë me temë kuic dhe mister, ku duhet të zbuloni të gjitha sekretet me ndihmën dritës, pasi vëndet ku do të zbrisni janë të mbuluara nga errësira.  Nëse po kërkoni një lojë ku argëtimi dhe frika ndërthuren, atëher ja vlen ta merrni.

- Photo Guard, nga 4.49€, falas. /iPhone

Photo Guard është një program mjaft i dobishëm i cili do të na lejojë ti vendosim një sistem sigurie galerisë së fotove në iOS. Pasi kemi zgjedhur fjalë kalimin që duhet të përdorim për të hyrë në galerinë e fotove programi do ta kërkojë këtë fjalë kalimi sa her që duam të konsultojmë këtë galeri. Ja vlen ta keni në iPhone-in tuaj këtë program.

- Block Vs Block II, nga 1.79€, falas. /iPhone, iPad

Block Vs Block është një lojë në të cilën ju duhet të vendosni blloqet e të njëjtës ngjyrë të formojnë një murë të plotë si tek loja e famshme Tetris. Gjatë kalimit nga një nivel në tjetrin shpejtësia e lëvizjes së blloqeve do të shtohet dhe kini kujdes sepse nuk do të jetë e lehtë të vazhdoni më tej. Ja vlen ta keni në iPhone ose iPad-in tuaj.

Ju kujtojmë se për të shkarkuar aplikacionet që janë falas në App Store nuk ka nevojë për rregjistrim me kartë krediti. Për të shkarkuar në këtë mënyrë ju ftojmë të ndiqni guidën e regjistrimit në këtë artikull ose mund të shikoni video guidën tonë në Youtube.

Shënim: Çmimet dhe ofertat e përmendura në këtë artikull janë të vlefshme gjatë periudhës që janë shkruar dhe këto mund të ndryshojnë në orët e ardhshme, pasi kjo nuk varet nga ne. /iPhoneAlbania