MS: “Bateria e iPhone 8 do të bindë shumë përdorues Apple të blejnë modelin e ri”

Fjalët që lexoni në titullin e këtij artikullin janë prononcuar nga Katy Hubert, analisti i njohur i Morgan Stanley: ekrani edge-to-edge dhe kohëzgjatja e baterisë së modelit të ardhshëm Apple do të bindin shumë përdorues të ndryshojnë modelin e tyre të vjetër iPhone.

Më shumë se te ekrani krejtësisht prej xhami dhe pa korrniza, analisti i MS e përqëndron vëmendjen tek bateria: iPhone i ardhshëm do të sigurojë një autonomi të tillë sa do të bindë shumë përdorues të blejnë modelin e ri.

Midis risive, përveç ekranit OLED, do të ketë një formë të re, buton Home touch dhe karikim wireless. Sensorët do të jenë 3D, të fshehur poshtë ekranit dhe me një preçizion më të madh në krahasim me ato aktual. Në nivel software, do të ketë përmirësime për Siri dhe inteligjencën artificiale.

Konfirmohet edhe çmimi, që do të jetë më i lartë në krahasim me atë të iPhone 7 Plus: do të kushtojë rreth 1000$. /iPhoneAlbania