iPhone 8, sensori Touch ID nuk do të jetë në pjesën e prapme [Thashetheme]

Benjamin Geskin, një gazetar që fokuson punën e tij në zbulimin e informacioneve jo zyrëtare, ku së fundmi ai ka publikuar në faqen e tij në Twitter një lajm mjaft interesant që lidhje me iPhone 8. Në imazhet e publikuara shfaqen 2 forma metalike të cilat janë pjesë e stampave të pjesës së prapme dhe qarkut llogjik, të iPhone-it të ardhshëm.

Në foton ku gjëndet forma e pjesës së prapme, mund të vini re që nuk ka asnjë shenjë të integrimit të sensorit Touch ID dhe kjo do të thotë se Apple ka gjetur një zgjidhje për problemin e sensorit Touch ID, në pjesën e përparme. Por nuk përjashtohet dhe mundësia e zëvëndësimit të sensorit me një teknologji e cila skanon shenjat e gishtërinjve me rreze lazer. Sipas ekspertëve do të jetë kompania Lumentum që do ta furnizojë Apple me këtë produkt.

Në imazhin e dytë shfaqet forma metalike e bordit llogjik që do të majë të gjithë komponentët Hardware të iPhone-nit të ardhshëm. Edhe pse Benjamin Geskin siguron se këto informacione vijnë nga burime që janë shumë pranë kompanisë që po prodhon komponentët e iPhone 8, përderisa nuk janë të konfirmuara nga Apple mund të themi që ato do të mbeten vetëm thashetheme derisa të vij në treg produkti zyrëtar.

Mendoni se iPhone 8 do të jetë ndryshe nga iPhone 7? /iPhoneAlbania