Apple po punon për të krijuar një proçesor i cili do të suportojë inteligjencën artificiale

Sipas një nga portaleve më të mëdhenj, i cili është Bloomberg, Apple po punon për krijimin e një proçesori i cili do të përpunojë të gjitha sinjalet që lidhem me inteligjencën artificiale. Në lidhje me iDevice-et, ekspertët mendojnë se ai do të përdoret në njohjen e fytyrës dhe shqiptimit të fjalëve.

Shumë pak detaje teknike dihen për këtë projekt por përfitimi më i madh do të jetë në performancën e  iOS. Aktualisht iOS integron funksione që mund të kryhen nga chip-i AI i cili do të "lironte" proçesorin dhe chip-in grafik nga detyrat që duhet të kryejnë.  Gjithashtu edhe konsumi i baterisë do të përmirësohet.

Sipas ekspertëve, integrimi i chip-it AI në iDevice nuk do të vonojë shumë sepse kompanitë konkurrente kanë nisur punën për ta sjellë atë në SmartPhonët rrespektiv. Kjo teknologji pritet të jetë zemra e makinave që vetë drejtohen dhe realitetit virtual.  /iPhoneAlbania