Apple do të transmetojë në live streaming konferencën WWDC 2017 më 5 Qershor

Apple ka konfirmuar se do të transmetojë në live streaming hapjen e konferencës WWDC 2017, që do të mbahet të hënën më 5 Qershor në orën 19:00. Konferencën mund ta ndiqni live në Safari Mobile (kërkon iOS 7.0 ose një version më të ri), në Safari për Mac (kërkon Safari 6.0.5 ose një version më të ri në OS X 10.8.5 ose më të ri) ose Microsoft Edge në kompjuterat me Windows 10.

Konferenca do të nisë në orën 19:00 me orën shqiptare, ku Apple do të prezantojë me siguri iOS 11 dhe versionet e reja të macOS, tvOS dhe watchOS. Thashethemet e fundit flasin edhe për risi hardware, sidomos për sa i përket iPad Pro, dhe për një përditësim të vogël për MacBook Pro. /iPhoneAlbania