Apple blen kompaninë startup Beddit

Apple ka përfundur me sukses blerjen e kompanisë Beddit e cila konsiderohet një nga startup-et më të mira të momentit përsa i pëket programeve që i dedikohen iOS. Ajo ka nxjerrë në treg një produkt i cili monitoron gjumin tuaj duke transferuar të dhëna në programin për iOS të zhvilluar po nga vetë ajo. Pra Beddit ka prodhuar komponentin hardware i cili vendoset poshtë krevatit dhe programin i cili instalohet në iOS dhe merr të dhëna nga sensori.

Ky inovacion e ka bindur Apple të kërkojë blerjen e kompanisë dhe tashmë produkti mund të blihet nga faqja zyrëtare kundrejtë shumë 150$. Teknologjia e sensorit është ndërtuar mbi konceptet e "ballistocardiography" (BCG), e cila njihet gjithashtu si një teknikë mjaft solide e cila mbledh të dhënat që vijnë nga organi i zemrës dhe pjesë të tjera jetësore të trupit të njeriut. Të gjitha të dhënat e lexuara nga sensori, transmetohen më pas në iPhone ose Apple Watch.

Në fund, Apple nuk ka bërë akoma të qartë se cilat mund të jenë strategjitë që do të përdorë në të ardhmen në lidhje me këtë funksion, por ekspertët mendojnë se ai mund të jetë i integruar direkt në iDevice. /iPhoneAlbania