Aplikacione në ofertë - 27 Maj 2017

Ja ku jemi në takimin tonë të përditshëm me rubrikën "Aplikacione në ofertë" ku do ju ofrojmë aplikacionet dhe lojërat më interesante në ofertë nga App Store, të përzgjedhura për ju nga iPhoneAlbania. Aplikacione të ndryshme falas apo me çmim më të ulët se ai i zakonshmi në App Store për një periudhë të limituar kohe. Ja dhe lista e disa aplikacioneve në ofertë për ditën e sotme:

- Multiponk, nga 2.69€, falas. /iPhone, iPad
Multiponk është një lojë mjaft e bukur në të cilën do të kontrolloni sferat duke lëvizur gishtin mbi ekranin e iPhone ose iPad. Qëllimi i lojës është të kontrolloni sferat metalike dhe ti përplasni ato tek këndet sa më shpesh. Kini kujdes sepse nuk do të jetë e thjeshtë ti kontrolloni.

- Fortress: Destroyer, nga 1.89€, falas. /iPhone, iPad
Fortress Destroyer është një lojë me aksion ku ju do të luani në drejtimin e anijeve luftarake të cilat duhet të shpëtojnë qytetin nga sulmet armike. Ato do të sulmojnë nga deti dhe ajri dhe do të jetë pikërisht aftësia juaj për ti shkatërruar të gjitha sulmet. Ja vlen ta merrni këtë lojë.

- Night Mode Camera, nga 1.79€, falas. /iPhone, iPad
Night Mode Camera është një program i cili do të shtojë funksionin Night Mode në programin e fotokamerës të iOS. Funksioni do të mundësojë filmimin dhe krijimin e fotove edhe në ambjente me pak dritë duke shfrytëzuar të gjithë fuqinë e fotokamerës dhe me kualitetin maksimal.

Ju kujtojmë që për të shkarkuar aplikacionet që janë falas në App Store nuk ka nevojë për rregjistrim me kartë krediti. Për të shkarkuar në këtë mënyrë ju ftojmë të ndiqni guidën e rregjistrimit në këtë artikull ose mund të shikoni video guidën tonë nga ky link.

Shënim: Çmimet dhe ofertat e përmendura në këtë artikull janë të vlefshme gjatë periudhës që janë shkruar dhe këto mund të ndryshojnë në orët e ardhshme, pasi nuk varet nga ne. /iPhoneAlbania