Lamtumirë roaming në Evropë nga 15 qershori

Këshilli Evropian ka miratuar normën që do t'i japë fund funksionit roaming në shtetet e Bashkimit Evropian dhe në disa shtete të tjera të kontinentit të vjetër. Kjo do të thotë se klientët mund të telefonojnë dhe të lundrojnë në internet duke shfrytëzuar planet e tyre tarifore kombëtare edhe kur janë jashtë shtetit.

Duke filluar nga 15 qershori, "roam like at home" do të jetë aktiv në të gjitha vendet e Bashkimit Evropian, me operatorët e ndryshëm që do të duhet të përshtaten me këtë risi. Falë kësaj norme, përdoruesit mund të përdorin paketat e tyre edhe jashtë vendit pa asnjë kosto shtesë.

Përveç 28 shteteve pjesëtare të Bashkimit Evropian, kjo normë të përfshijë edhe vende si Islanda, Liechtenstein dhe Norvegjia. Ndërsa Shqipëria nuk do të bëjë pjesë, të paktën për momentin. /iPhoneAlbania