FaceApp, shtojini një buzëqeshje fotove tuaja

FaceApp është një aplikacion i ri që ofron disa efekte që janë në gjëndje t'i shtojnë një buzëqeshje fytyrës që është e pranishme në një foto. Në pjesën më të madhe të rasteve rezultati është shumë natyral, megjithëse në disa raste është mirë të bëni një tentativë të dytë.

Sipas zhvilluesit, ky aplikacion përdor disa rrjete neurale për të kuptuar pozicionin e fytyrës dhe për të ngjitur automatikisht një buzëqeshje në pozicionin ekzakt. Siç e thamë edhe më sipër, shpesh rezultati është shumë i mirë, por mos prisni që të jetë gjithmonë perfekt.

FaceApp është i disponueshëm falas në App Store. Kërkon iOS 8.0 ose një version më të ri dhe është kompatibël me iPhone, iPad dhe iPod touch. /iPhoneAlbania