Aplikacione në ofertë - 5 Mars 2017

Ja ku jemi në takimin tonë të përditshëm me rubrikën "Aplikacione në ofertë" ku do ju ofrojmë aplikacionet dhe lojërat më interesante në ofertë nga App Store, të përzgjedhura për ju nga iPhoneAlbania. Aplikacione të ndryshme falas apo me çmim më të ulët se ai i zakonshmi në App Store për një periudhë të limituar kohe. Ja dhe lista e disa aplikacioneve në ofertë për ditën e sotme:

- True Skate, nga 1.79€, falas. /iPhone, iPad
True Skate është një lojë krejtësisht e bazuar tek fizika dhe për të luajtur duhet të kryejmë disa gjeste në ekran nëpërmjet gishtërinjve për të kontrolluar skateboard-in, duke na mundësuar të bëjmë disa akrobacira fantastike. Për tu spostuar përpara mjafton të rrëshkiskni gishtin në ekran. Ja vlen ta provoni.

- Meeting Box, nga 0.89€, falas. /iPhone, iPad
Meeting Box është një program i dobishëm nëpërmjet të cilit do të keni mundësi të mbani shënime dhe jo vetëm, në mënyrë mjaft profesionale. Gjithashtu programi ju lejon të ruani shënime të marra nga interneti si dhe të mbani shënime në hartë. Ja vlen ta keni!

- Calendarium: Everything about this day, nga 0.89€, falas. /iPhone, iPad
Calendarium është një program informativi nga i cili do të mësoni se çfarë ka ndodhur vite më parë për një ditë të caktuar të vitit. Informacioni shoqërohet me detaje mjaft interesante në formën e tekstit apo imazheve.

Ju kujtojmë që për të shkarkuar aplikacionet që janë falas në App Store nuk ka nevojë për rregjistrim me kartë krediti. Për të shkarkuar në këtë mënyrë ju ftojmë të ndiqni guidën e rregjistrimit në këtë artikull ose mund të shikoni video guidën tonë nga ky link.

Shënim: Çmimet dhe ofertat e përmendura në këtë artikull janë të vlefshme gjatë periudhës që janë shkruar dhe këto mund të ndryshojnë në orët e ardhshme, pasi nuk varet nga ne. /iPhoneAlbania