Aplikacione në ofertë - 18 Mars 2017

Ja ku jemi në takimin tonë të përditshëm me rubrikën "Aplikacione në ofertë" ku do ju ofrojmë aplikacionet dhe lojërat më interesante në ofertë nga App Store, të përzgjedhura për ju nga iPhoneAlbania. Aplikacione të ndryshme falas apo me çmim më të ulët se ai i zakonshmi në App Store për një periudhë të limituar kohe. Ja dhe lista e disa aplikacioneve në ofertë për ditën e sotme:

- Cut The Buttons, nga 1.79€, falas. /iPhone, iPad

Në këtë lojë ju nuk duhet të bëni gjë tjetër veçse të prisni kopsat e veshjeve. Cut The Buttons është një lojë mjaft relaksuese por që kërkon shpejtësi tek lëvizja e gishtave sepse duhet të përdorni një gërshërë sa më shpejt të mundeni për të preë sa më shumë kopsa dhe ato që duhen përndryshe nivele nuk do të mbarojë me sukses. Ja vlen ta provoni.

- Jet Ball Arkanoid, nga 1.79€, falas. /iPhone
Jet Ball Arkanoid është një lojë ku ju duhet të shkatërroni të gjitha blloqet me ngjyra duke i goditur ato me sferat që i kontrolloni ju. Për të kaluar në nivelin tjetër ju duhet ti shkatërroni ato sa më shpejt. Ja vlen ta provoni këtë lojë.

- Devious Dungeon 2, nga 2.79€, falas. /iPhone, iPad
Devious Dungeon është një lojë me aksion e ambjentuar në mesjetë ku ju duhet të shpëtoni mbretërinë ku jetoni nga krijesat e frikshme që e kanë pushtuar atë, duke luftuar në tunelet e qytetit. Ja vlen ta merrni këtë lojë.

- ColorMinis Kids, nga 0.89€, falas. /iPhone, iPad
ColorMinis Kids është një lojë mjaft e bukur për fëmijë ku ato mund të argëtohen duke vizatuar dhe ngjyrosur figurat të cilat kërkohen të plotësohen. Ja vlen ta merrni nëse doni që fëmijët tuaj të kalojnë momente argëtimi dhe në të njëjtën kohë të rrisin aftësitë e tyre krijuese.

Ju kujtojmë që për të shkarkuar aplikacionet që janë falas në App Store nuk ka nevojë për rregjistrim me kartë krediti. Për të shkarkuar në këtë mënyrë ju ftojmë të ndiqni guidën e rregjistrimit në këtë artikull ose mund të shikoni video guidën tonë nga ky link.

Shënim: Çmimet dhe ofertat e përmendura në këtë artikull janë të vlefshme gjatë periudhës që janë shkruar dhe këto mund të ndryshojnë në orët e ardhshme, pasi nuk varet nga ne. /iPhoneAlbania