Aplikacione në ofertë - 11 Mars 2017

Ja ku jemi në takimin tonë të përditshëm me rubrikën "Aplikacione në ofertë" ku do ju ofrojmë aplikacionet dhe lojërat më interesante në ofertë nga App Store, të përzgjedhura për ju nga iPhoneAlbania. Aplikacione të ndryshme falas apo me çmim më të ulët se ai i zakonshmi në App Store për një periudhë të limituar kohe. Ja dhe lista e disa aplikacioneve në ofertë për ditën e sotme:

- Angry Birds Star Wars, nga 0.89€, falas. /iPhone, iPad

Shumë kohë më parë, në një galaktikë shumë të largët, një grup zogjësh të inatosur rebelë ndeshen me një rrezik galaktik: me Pigtrooper e egër të Mretërisë! Angry Birds rebelë, duke u nisur nga një bazë sekrete kanë arritur të mposhtin derrat mbretërorë. Një aventurë epike e Angry Birds në universin legjendar të Star Wars! Përdorni forcën dhe shpatën tuaj lazer për të mundur Pigtrooper. Angry Birds Star Wars është publikuar në dy versione të ndara, njëra me disa specifika të veçanta në HD për iPad të gjeneratës së fundit. Ja vlen ta shkarkoni këtë lojë.

- Bardi: Real Viking, nga 1.79€, falas. /iPhone, iPad
Bardi është një lojë me aventurë dhe aksion ku ju duhe të ndihmoni personazhin e lojës të mbrojë vëndin e tij nga sulmet e pushtuesve. Gjatë lojës do të përballeni me ushtritë pushtuese duke i mposhtuar  ato me forcën e Bardit.

- Boogey Boy, nga 1.79€, falas. /iPhone, iPad
Boogey Boy është një lojë mjaft e bukur ku ju duhet të ndihmoni personazhin e lojës të arratiset nga terrori i krijesave të frikshme, të cilat duan ta ndalojnë atë. Gjatë rrugës do të mblidhni shumë objekte që do të lehtësojnë rrugën. Ja vlen ta provoni këtë lojë.

Ju kujtojmë që për të shkarkuar aplikacionet që janë falas në App Store nuk ka nevojë për rregjistrim me kartë krediti. Për të shkarkuar në këtë mënyrë ju ftojmë të ndiqni guidën e rregjistrimit në këtë artikull ose mund të shikoni video guidën tonë nga ky link.

Shënim: Çmimet dhe ofertat e përmendura në këtë artikull janë të vlefshme gjatë periudhës që janë shkruar dhe këto mund të ndryshojnë në orët e ardhshme, pasi nuk varet nga ne. /iPhoneAlbania