Zyrtare: WWDC 2017 do të mbahet më 5-9 Qershor

Apple ka konfirmuar se Konferenca “Worldwide Developer” (WWDC) këtë vit do të mbahet më 5-9 qershor. WWDC do të rikthehet në San Jose këtë vit, pas një periudhe të gjatë. Vendngjarja është vetëm pak minuta nga selia e Apple në Cupertino.

Si zakonisht Apple në këto ngjarje ka sjellë risitë e saj teknologjike, dhe pritet që edhe këtë herë të sjellë më të rejat për iOS, macOS, watchOS, dhe tvOS, me pak gjasë që të shohim ndonjë hardware të ri.

Përveç kësaj, për pesë ditë në këtë konferencë do të marrin pjesë edhe zhvillues nga e gjithë bota, të cilët do të angazhohen së bashku me 1 mijë inxhinierë të Apple përmes seancave dhe ndërveprimeve personale. /iPhoneAlbania