Aplikacione në ofertë - 6 Shkurt 2017

Ja ku jemi në takimin tonë të përditshëm me rubrikën "Aplikacione në ofertë" ku do ju ofrojmë aplikacionet dhe lojërat më interesante në ofertë nga App Store, të përzgjedhura për ju nga iPhoneAlbania. Aplikacione të ndryshme falas apo me çmim më të ulët se ai i zakonshmi në App Store për një periudhë të limituar kohe. Ja dhe lista e disa aplikacioneve në ofertë për ditën e sotme:

- Fish3: Pro, nga 0.89€, falas. /iPhone
Fish3 është një lojë në të cilën ju duhet të ndihmoni një peshkatar të kapë peshqit por në një mënyrë të veçantë, duke vrapuar. Ja vlen ta provoni në kohën tuaj të lirë.

- Tungoo: Bubble bursting vertical platformer, nga 2.79€, falas. /iPhone, iPad
Tungoo është një lojë me temë aventurë ku ju duhet ta ndihmoni atë të gjejë miqtë e tij duke u ngjitur lart në hapësirë. Për të bërë këtë gjë duhet të mblidhni të gjitha sferat që ju sigurojnë energjinë e duhur për të fluturuar sa më lart.

- Age of Defenders, nga 2.79€, falas. /iPad
Age of Defenders është një lojë me strategji ku ju duhet të ndërtoni ushtrinë tuaj për të marrë territoret e pushtuara nga forcat aliene të cilat kanë ndërtuar kulla që lëshojnë energji shkatërruese. Detyra juaj është ti eliminoni ato.

Ju kujtojmë që për të shkarkuar aplikacionet që janë falas në App Store nuk ka nevojë për rregjistrim me kartë krediti. Për të shkarkuar në këtë mënyrë ju ftojmë të ndiqni guidën e rregjistrimit në këtë artikull ose mund të shikoni video guidën tonë nga ky link.

Shënim: Çmimet dhe ofertat e përmendura në këtë artikull janë të vlefshme gjatë periudhës që janë shkruar dhe këto mund të ndryshojnë në orët e ardhshme, pasi nuk varet nga ne. /iPhoneAlbania