Aplikacione në ofertë - 15 Shkurt 2017

Ja ku jemi në takimin tonë të përditshëm me rubrikën "Aplikacione në ofertë" ku do ju ofrojmë aplikacionet dhe lojërat më interesante në ofertë nga App Store, të përzgjedhura për ju nga iPhoneAlbania. Aplikacione të ndryshme falas apo me çmim më të ulët se ai i zakonshmi në App Store për një periudhë të limituar kohe. Ja dhe lista e disa aplikacioneve në ofertë për ditën e sotme:

- PhotoTangler Collage Maker, nga 1.59€, falas. /iPhone
Ky aplikacion na lejon të krijojmë në mënyrë shumë të thjeshtë kolazhe me fotografitë që kemi ruajtur në iPhone. Sot mund ta shkarkoni falas nga App Store.

- Tube for Youtube, nga 0.89€, falas. /iPhone, iPad
Tube for Youtube është një program i cili sjell në iOS një program alternativ për të parë videot në rrjetin Youtube. Programi ofron gjithashtu disa funksione të cilat e bëjnë atë mjaft të lehtë për tu përdorur.

- Motorsport Manager, nga 0.89€, falas. /iPhone, iPad
Motorsport Manager është një lojë ku ju do të luani në rolin e një menaxheri i cili duhet të krijojë ekipin e tij garues në pistat më të mëdha të botës. Duhet të mendoni dhe të siguroni çdo gjë që kompania ka nevojë.  Ja vlen ta merrni këtë lojë.

- Draw Pad Pro, nga 2.89€, falas. /iPhone, iPad

Draw Pad Pro është një program mjaft i dobishëm nëpërmjet të cilit mund të mbajmë shënime ose mund të vizatojmë ide që kemi në mëndje. Programi është mjaft i thjeshtë për tu përdorur dhe do të jetë një kënaqësi e vërtetë të përdorni këtë program.

Ju kujtojmë që për të shkarkuar aplikacionet që janë falas në App Store nuk ka nevojë për rregjistrim me kartë krediti. Për të shkarkuar në këtë mënyrë ju ftojmë të ndiqni guidën e rregjistrimit në këtë artikull ose mund të shikoni video guidën tonë nga ky link.

Shënim: Çmimet dhe ofertat e përmendura në këtë artikull janë të vlefshme gjatë periudhës që janë shkruar dhe këto mund të ndryshojnë në orët e ardhshme, pasi nuk varet nga ne. /iPhoneAlbania