iOS 10 ka shtuar një funksion mjaft të domosdoshëm në tastierën "QuickType", falë të cilit do të jetë shumë e thjeshtë të transformojmë një fjalë në emoji. Aktualisht në iOS 10 ka dy mënyrë për të zëvendësuar një emoji me një fjalë. Mënyra e parë është të ndryshojmë një fjalë të caktuar ndërkohë që shkruajmë.


Pasi të kemi përfunduar së shkruari, nëse është i disponueshëm një emoji që mund t'i zëvendësohet një fjale, do të shfaqet sipër tastierës, afër fjalëve të tjera që sugjerohen. Mjafton t'i klikojmë sipër për të shfaqur këtë emoticon në vend të fjalës që sapo kemi shkruar.


Ose si alternativë mund të shkruajmë të gjithë mesazhin dhe t'i shtojmë emojit në fund. Mjafton të shkruani mesazhin dhe më pas të hapni tastierën emoji dhe do të shikoni që fjalët që mund të zëvendësohen automatikisht do të shfaqen me ngjyrë portokalli. Mjafton t'i klikoni sipër fjalës që dëshironi të zëvendësoni me emoji dhe do të ndodhë çdo gjë automatikisht. /iPhoneAlbania

Kategoritë: , , ,

0 komente:

Post a Comment