Apple dhuron lojën e suksesshme "Blek"

Ja ku jemi me rubrikën tonë javore "Aplikacioni falas i javës", takimi i shumëpritur me ofertën falas të javës të zgjedhur nga stafi i Apple. Çdo javë një aplikacion ose lojë e famshme mund të shkarkohet falas për një periudhë të limituar kohe. Kësaj here Apple ka zgjedhur lojën Blek.

Blek është një lojë plot imagjinatë dhe personalitet. Vizat që vizatoni lëvizin vazhdimisht dhe do të shikoni krijimet tuaja ndërsa lëvizin, do të duket sikur po shikoni një magji. 

Si çdo app i përzgjedhur nga Apple si "Aplikacioni falas i javës", edhe Blek do të jetë falas për një periudhë të limituar, kështu që ju këshillojmë ta shkarkoni sa më shpejt nëse jeni të interesuar. Është kompatibël me iPhone 4S, iPhone 5, iPhone 5c, iPhone 5s, iPhone 6, iPhone 6 Plus, iPhone 6s, iPhone 6s Plus, iPhone SE, iPad dhe iPod touch. Kërkon iOS 6.0 ose një version më të ri. /iPhoneAlbania