iPhone 7 mund të ketë të njëjtën teknologji të Macbook në Trackpad, për butonin Home [Thashetheme]

Bloomberg, një nga portalet më të mëdha të cilat flasin për teknologjinë, ka publikuar një artikull mjaft interesant përsa i përket teknologjive të reja të cilat pritet ti gjejmë tek iPhone 7 i cili do të prezantohet për publikun në vjeshtën e këtij viti.

Butoni Home me teknologji Haptic
iPhone 7 pritet që të integrojë të njëjtën teknologji që është përdorur për të realizuar lëvizjen e mausit në Macbook, përsa i përket butonit Home. Kjo do të thotë se funksioni Touch Force nuk do të bëhet nëpërmjet një sensori që mat forcën e shtypjes mbi buton, por duke patur një klik më tepër ku e shtypim atë. Pra funksioni nuk do të realizohet me sensor mekanik.

Dizajn të ngjashëm me iPhone 6s përveç disa detajeve
Përsa i përket dizajnit, iPhone 7 nuk do të jetë shumë i ndryshëm nga iPhone 6s, përveç disa ndryshimeve në lidhje me sensorët e antenës të cilat i gjejmë të lidhura në kasën e produktit dhe të dukshme nga jashtë. Ato do të jenë më të holla se shiritat aktual dhe të pozicionuara ndryshe nga iPhone 6s, ashtu siç mund të shihni tek imazhi në krye të artikullit. Gjithashtu kufjet Jack do të zëvëndësohen me teknologjinë Wireless ose Lightning, dhe kjo do ta bëjë produktin më kompakt. /iPhoneAlbania