Aplikacione në ofertë - 19 Gusht 2016

Ja ku jemi në takimin tonë të përditshëm me rubrikën "Aplikacione në ofertë" ku do ju ofrojmë aplikacionet dhe lojërat më interesante në ofertë nga App Store, të përzgjedhura për ju nga iPhoneAlbania. Aplikacione të ndryshme falas apo me çmim më të ulët se ai i zakonshmi në App Store për një periudhë të limituar kohe. Ja dhe lista e disa aplikacioneve në ofertë për ditën e sotme:

- Tomb Journey, nga 0.89€, falas. /iPhone, iPad
Tomb Journey është një lojë mjaft e bukur me aventurë ku detyra juaj është të arratiseni përmes njerëzve gjysëm të vdekur duke i eliminuar ato me armë të ndryshme që keni në dispozicion. Ja vlen ta provoni këtë lojë në kohën e lirë.

- Tie Right, nga 0.89€, falas. /iPhone, iPad
Tie Right është një program i cili na ndihmon të mësojmë se si të lidhim një kollare në qoftë se janë herët e para që e përdorim në jetën e përditshme. Program ofron leksione për disa lloje mënyrash se si mund të lidhet një kollare. Ja vlen ta keni në iPhone-nin tuaj.

- Blindfolded, nga 0.89€, falas. /iPhone, iPad
Blindfolded është një lojë në të cilën duhet të lëvizni në rrugën e limituar nga blloqe të ndryshme. Kini kujdes sepse nuk do të jetë e thjeshtë të lëvizni midis pengesave dhe të arrini në destinacion. Ja vlen ta merrni edhe këtë lojë.

- Epica 2 Pro, nga 1,99€, falas /iPhone

Një aplikacion mjaft simpatik dhe i pasur me funksione për modifikimin e fotove tuaja. Mund t'i shtoni efekte të ndryshme fotove dhe më pas t'i ndani me miqtë tuaj.

- Melodive, nga 0.89€, falas. /iPhone, iPad
Melodive është një lojë mjaft e bukur ku ju duhe të fluturoni në hapësirë ku shfaqen objekte 3D mjaft të bukura edhe të shoqëruara me melodi. Objektivi është që të fluturoni pa fund pa prekur tokën. Ja vlen ta provoni këtë lojë të veçantë.

Ju kujtojmë që për të shkarkuar aplikacionet që janë falas në App Store nuk ka nevojë për rregjistrim me kartë krediti. Për të shkarkuar në këtë mënyrë ju ftojmë të ndiqni guidën e rregjistrimit në këtë artikull ose mund të shikoni video guidën tonë nga ky link.

Shënim: Çmimet dhe ofertat e përmendura në këtë artikull janë të vlefshme gjatë periudhës që janë shkruar dhe këto mund të ndryshojnë në orët e ardhshme, pasi nuk varet nga ne. /iPhoneAlbania