TSMC do të prodhojë chip-in A11 për iDevice-et e vitit të ardhshëm

Një nga portalet web më të mëdha Kineze, DigiTime, ka publikuar një artikull mjaft interesant në të cilin flitet për kompaninë që do të prodhojë proçesorët A11, gjatë vitit 2017. Sipas ekspertëve Apple ka vendosur që e vetmja kompani që do ti prodhojë ato do të jetë TSMC (Taiwan Semiconductor Manufacturing Company).

TSMC ka bërë hapa gjigand përsa i përket teknolgjisë së prodhimit të chip-eve. Pritet që chip-et A11 të ndërtohen pikërisht me teknologjinë në fjalë e cila ka arritur krijojë chip-e me dimensione të transistorëve të cilat kanë dimensione 10 nanometër. Kjo teknologji ka bindur Apple që ti japë TSMC prodhimin total të chip-eve 2011 duke lënë me një anë Samsung.

Aktualisht Samsung është akoma shumë mbrapa dhe për këtë arsye drejtuesit e saj kanë vendosur që gjatë vitit 2017 të investojë për të përmirësuar teknologjinë aktuale. Në këtë mënyrë synohet që kompania të jetë prap zgjedhje e Apple në vitin 2018. /iPhoneAlbania