A është kjo fotoja e parë "origjinale" e iPhone 7?

Gjatë ditëve të fundit janë publikuar disa imazhe rreth iPhone 7, por gjatë fundit është publikuar një foto nga NowhereElse, e cila shfaq pjesën e pasme të iPhone 7 dhe konfirmon risitë e përfolura. Le të fillojmë nga fotokamera kryesore, me një objektiv më të madh se ajo e iPhone 6s dhe për fat të keq edhe kjo pak e dalë nga trupi i telefonit.

Duke u bazuar tek thashethemet e fundit, vetëm versioni Plus duhet të ketë fotokamerën me lente të dyfishtë, kështu që modeli në foto duhet të jetë iPhone 7. Një tjetër risi ka të bëjë me vijat e antenës, që janë ripozicionuar. Kritikat për iPhone 6, për sa i përket kësaj pjese të dizajnit, kanë qenë të shumta, kështu që pritet një modifikim i tillë. /iPhoneAlbania