TSMC do të prodhojë proçesorët e iPhone 7

Sipas sipas disa zërave të ditëve të fundit, kompania TSMC me qëndër në Taiwan, do të jetë prodhuesi kryesor edhe i vetëm i chip-eve të iPhone 7. Duket se Apple është më e bindur se kurrë të vazhdojë bashkëpunimin me këtë kompani pasi kjo e fundit ka arritur të mposhtë edhe kolosin Samsung në teknologji.

Taiwan Semiconductor Manufacturing Company, ka arritur të krijojë një rrjet prodhimi chip-esh me teknologjinë 10 nanometer, teknologji e cila aktualisht nuk disponohet nga Samsung. Kjo gjë ka bindur Apple që të tërhiqet nga tentativat e saj për tu afruar me Samsung, përsa i përket prodhimit të chip-eve.

Një teknolgji e tillë do të thotë, chip-e më të vegjël në dimensione, më të shpejtë edhe mbi të gjitha clirim temperatur të ulët në krahasim me versionet e mëparshme. Nga ana tjetër ekspertët mendojnë se duhen akoma disa vite që kjo teknologji të vij në treg, në masë por gjithçka mbetet për tu konfirmuar zyrëtarisht në ditët në vijim.

Kujtojmë që iPhone 7 do të vij në treg në muajin Tetor të këtij viti edhe zërat në rrjet flasin për të produkt i cili do të ketë funksionin e karikimit pa fije ose wireless, rrezistent ndaj ujit dhe nuk do të ketë më hyrjen klasike Jack të kufjeve e cila do të zëvëndësohet me kavon Lightening ose Wireless. /iPhoneAlbania