Mbërrijnë në Apple Store syzet e para VR për iPhone

Pak ditë pas deklaratave pozitive të Tim Cook për realitetin virtual, në Apple Store të Shteteve të Bashkuara kanë mbërritur edhe syzet VR për iPhone. View-Master janë syzet e para VR të disponueshme në Apple Store me çmimin 29,95$ dhe mund të përdoren me iPhone 5 ose modelet më të reja.

Me anë të këtyre syzeve mund të shijoni video në 360 gradë. Praktikisht, me këto syze mund të bëni gjithçka që mund të bëni edhe me një Google Cardboard, por me një aksesor me cilësi shumë më të lartë. Në App Store ekzistojnë disa aplikacione që mund të shfrytëzohen me këto syze. Për momeniti këto lloj syzesh janë të disponueshme vetëm në SHBA. /iPhoneAlbania