Tremujor rekord për Apple, por për herë të parë parashikon një rënie të shitjeve të iPhone

Për herë të parë pas 13 vitesh Apple parashikon një rënie të të ardhurave dhe shitjeve të iPhone duke sinjalizuar edhe fundin e epokës së artë. Ditën e Martë kompania zbuloi se tremujorin fiskal mbyllur në dhjetor të 2015-ës shënoi shitjen e 74.8 milion iPhone. Rritja prej 0.4 % e shitjeve të iPhone 6S dhe 6S Plus është më e ulëta që nga prezantimi i këtij produkti 9 vite më parë, pikërisht në 2007-ën.

Në aspektin e të ardhurave u shënuan shifra record prej 75.9 miliard dollar dhe fitim prej 18.4 miliard dollar. Një rënie e rritjes së shitjeve të iPhone ishte parashikuar edhe nga vetë shefi ekzekutiv i kompanisë, Tim Cook. Aktualisht iPhone ngelen popullorë në kontinetin Amerikan. Edhe tregu kinez premton me një rritje prej 14 % gjatë 2015-tës ndërkaq janë tregjet e Hong Kong ku Apple po humbet terren.

Për tre mujorin e ardhshëm kompania parashikon shitje prej 50-52 milion njësi dhe kjo do të shënonte për here të parë rënie të shitjeve të kompanisë. Vitin e kaluar po në të njëjtën periudhë, Apple shiti 61.2 milion iPhone. Por pavarisisht atyre që u thane më lart, Apple ngelet kompania më fitimprurëse në S&P 500 dhe kompania me vlerën më të lartë tregtare në SHBA. /iPhoneAlbania