Facebook Messenger arrin shifrën 800 milion përdorues aktivë

Facebook Messenger ka kaluar shifrën e 800 milion përdoruesve aktivë mujorë bëri të ditur rrjeti social më popullor. Nëse e krahasojmë me të dhënat në të kaluarën mësojmë se Facebook Messenger kishte 500 milion përdorues aktivë në Nëntor të 2014-tës ndërsa kjo shifër shkoi në 600 milion në Mars të 2015-tës dhe 700 milion në muajin Qershor.

Tani rrjeti social po shijon frytet e ndarjes së aplikacionit Facebook në dy, një për shfletim dhe një për komunikim. Por kjo nuk është e vetmja arsye e këtij suksesi sepse Messenger ka bërë përmirësime të dukshme përgjatë 2015-tës duke debutuar edhe në ueb.

Por lëvizja më e rëndësishme ishte qasja drejt ndërtimit të një platforme. Megjithatë, nuk është e vetmja platformë komunikimi në pronësi të Facebook. WhatsApp blerë nga Facebook dy vite më parë kaloi numrin e 900 milion përdoruesve ndërsa Instagram shkoi në 400 milion. Për ta mbyllur, tre aplikacionet në pronësi të Facebook nga fundi i 2016-tës mund të përfundojnë me 1 miliard përdorues aktivë mujorë secili. /iPhoneAlbania