Aplikacione në ofertë - 20 Janar 2016

Ja ku jemi në takimin tonë të përditshëm me rubrikën "Aplikacione në ofertë" ku do ju ofrojmë aplikacionet dhe lojërat më interesante në ofertë nga App Store, të përzgjedhura për ju nga iPhoneAlbania. Aplikacione të ndryshme falas apo me çmim më të ulët se ai i zakonshmi në App Store për një periudhë të limituar kohe. Ja dhe lista e disa aplikacioneve që janë në ofertë për ditën e sotme:

- Videomator, nga 0.89€, falas. /iPhone
Videomator është një program i cili do t'ju lejojë të rregjistroni filmime duke i aplikuar fotokamerës, efekte të ndryshme grafike. Të gjitha efekte aplikohen në kohë reale, pra gjatë rregjistrimit. Nëse jeni të apasionuar pas filmimeve atëherë ja vlen ta merrni programin në fjalë.

-Clipboard Manager, nga 1.79€, falas. /iPhone, iPad
Ky program na lejon të kemi në iPhone ose iPad një ditar me shumë funksione por qëllimi kryesor është ruajtja e adresave internet. Në qoftë se ju ka munguar një program i cili ruan këto adresa ose lejon publikimin e tyre në rrjetet sociale në mënyrë shumë thjeshtë atëherë ne jua këshillojmë ta keni në iDevice-in tuaj.

- Van Pershing, nga 0.99€, falas. /iPhone, iPad

Kjo lojë mund të luhet me dy mënyra, misione ose lojë pa fund. Në rastin e parë duhet të kryeni rreth 20 misione ku gjithmonë vështirësohen. Ndërsa në rastin e lojës pa fund mund të luani duke sfiduar miqtë tuaj në Game Center. Loja ofron disa lloje armësh dhe 7 lloje njerëzish gjysëm të vdekur që duhet ti asgjesoni me këto armë.

- Atomic Galactic Rider, nga 1.79€, falas. /iPhone, iPad
Universi ka nevojë për një hero që ta shpëtojë nga forca aliene që duan ta pushtojnë atë. Në këtë lojë ju duhet të drejtoni personazhin e lojë në disa misione kundra alienëve dhe do të përdorni armë dhe mjete nga më të ndryshme për ti luftuar. Udhëtoni sa më larg të munden dhe do të jeni të parët në Game Center.

- PhotoString, nga 0.89€, falas. /iPhone
Ky program na lejon të grupojmë fotot që kemi në iPhone në mënyrë vertikale ose horizontale. Pasi krijoni sekuencën e fotove tuaja, mund ti ruani ato në iPhone ose në Facebook apo Twitter. Mund ti ndani fotografitë sipas disa etiketave dhe në këtë mënyrë do ta keni më të lehtë ti menaxhoni ato. Ja vlen ta keni në iPhone-in tuaj këtë program.

Ju kujtojmë që për të shkarkuar aplikacionet që janë falas në App Store nuk ka nevojë për rregjistrim me kartë krediti.Për të shkarkuar në këtë mënyrë ju ftojmë të ndiqni guidën e rregjistrimit në këtë artikull ose mund shikoni video guidën tonë nga ky link.

Shënim: Çmimet dhe ofertat e përmendura në këtë artikull janë të vlefshme gjatë periudhës që janë shkruar dhe këto mund të ndryshojnë në orët e ardhshme.