App Drawer, një tweak që frymëzohet nga "App Launcher" i sistemit Android [Cydia]

App Drawer është një tweak i ri i frymëzuar nga sistemi Android, i cili sjell një alternativë të mirë për të gjithë ju që dëshironi t'i keni në një vend të vetëm të gjitha aplikacionet e instaluara. Pasi ta instaloni atë, do të gjeni një aplikacion të ri në Homescreen. Kjo ikonë do të funksionojë si një "App launcher" për të hapur listën e të gjitha aplikacioneve që keni të instaluara në pajisjen tuaj.

Avantazhi i App Drawer është se ju mund ta poziciononi atë ku të doni, edhe në menunë dock në mënyrë që të keni mundësinë të hapni aplikacionet tuaja të preferuara në çdo moment. Ju mund të personalizoni aplikacionet që shfaqen në App Drawer, mjafton të shkoni tek menuja Settings.

Nëse jeni të interesuar, App Drawer mund ta shkarkoni nga repoja e BigBoss në Cydia me çmimin 1.99$. Për ta instaluar atë duhet të keni një pajisje jailbroken (guida jonë) dhe ju nevojitet interneti për ta shkarkuar. Ky tweak për të punuar kërkon iOS 8.0 ose një version më të ri. /iPhoneAlbania