Gjatë dy muajve të fundit më shumë se 20 milionë pajisje Apple kanë të instaluar Cydia

Sipas një analize të fundit nga Jay Freeman, i njohur edhe si Saurik, numri i pajisjeve jailbroken dmth që kanë të instaluar Cydia, ka kaluar 22 milion terminale ndër të cilët iPhone, iPod touch dhe iPad. Duke u bazuar tek përqindjet e ofruara nga krijuesi i Cydia, aktualisht janë plot 22.780.029 pajisje Apple që kanë bërë jailbreak.

Sikur të mos mjaftonte, Freeman ka dashur të japë edhe disa përqindje për sa i përket trafikut të përgjithshëm në serverat e Cydia. Nga këto analiza, që marrin në konsideratë vetëm dy muajt e fundit, del se 34,9% e pajisjeve që lidhen me Cydia janë iPhone 4, e ndjekur nga iPhone 4S (20,4%) dhe iPhone 3GS (11,9%) dhe 3G (5,7%).

Më poshtë qëndrojnë pajisjet më të vjetra si iPhone 2G (0,8%) dhe iPod touch i gjeneratës së parë (0,3%). Seria e iPod touch ka një përqindje shumë të vogël po mos të ishte për iPod-in e gjeneratës së katërt i cili arrin 6.1%, ndërsa iPad 2 arrin deri në 9,2%. /iPhoneAlbania

Postuar në: Cydia,Jailbreak,Kuriozitete,Saurik,Statistika