Pod2g publikon në blogun e tij, gjithçka që duhet të dini për sa i përket Jailbreak të iOS 5.1 dhe 5.1.1

Me sa duket, jailbreak për iOS 5.1 dhe 5.1.1 po afron dhe për të provuar këtë, pod2g ka publikuar në blogun e tij një guidë të shkurtër, ku është shkruar gjithçka që duhe të dini për tu përgatitur me lëshimin e jailbreak untethered, nëpërmjet mënyrës klasike pyetje/përgjigje. Ja përgjigjet e tij rreth disa pyetjeve të rëndësishme që kanë të bëjnë me të ardhmen e jailbreak:

Pyetje: Sondazhi, të lëshojmë jailbreak tani apo të presim iOS 6 është mbyllur me 64% kundër 33%, për ta lëshuar atë menjëherë. Ku ndodhet ky link? Data e lëshimit? Kur do të përfundojë?

Pod2g: Siç e kam thënë edhe në Twitter, ka akoma shumë punë për të bërë, për të pasur një program të thjeshtë për tu përdorur dhe për të instaluar jailbreak në pajisjet e të gjithë përdoruesve. Duhet të prisni disa javë për lëshimin.

Pyetje: Do të funksionojë për çdo version të iOS dhe për çdo pajisje?

Pod2g: Do të jetë kompatibël me çdo pjisje me iOS 5.1.1 me perjashtim të AppleTV 3 (kjo për momentin, pasi më vonë mund të ndryshojnë gjërat). Pra do të funksionojë për të gjitha pajisjet Apple dhe për të gjitha versionet e iOS të lëshuara deri tani.

Pyetje: Pse je kaq i ngadaltë në lëshimin e jailbreak për iPad-in e ri?

Pod2g: Janë 16 pajisje të ndryshme ku duhet të punoj dhe testoj çdo aspekt. Kjo kërkon kohë.

Pyetje: Mund të jem një beta tester?

Pod2g: Jo, më vjen keq. Vetëm persona që kam shumë besim mund të testojnë jailbreak.

Pyetje: Çfarë ndodhë nëse të ofroj 1.000.000 $?

Pod2g: Kjo nuk ndryshon asgjë, kini durim dhe çdo gjë do të ndodhë.

Sigurisht këto përgjigje e shpjegojnë mjaft mirë situatën, jailbreak do të lëshohet brenda pak javësh, do të funksionojë për të gjitha pajisjet Apple dhe versionet e iOS që janë në dispozicion deri në këtë moment. Natyrisht duhet të kemi durim dhe së shpejti do të kemi mundësinë të bëjmë jailbreak. /iPhoneAlbania

Postuar në: iOS 5.1.1 , Jailbreak , Pod2g , Untethered