Guidë më e thjeshtuar: Si të zhbllokoni iPhone me anë të programit SAM [Video Guida][Përditësuar]

Sot po ju sjellim një tjetër guidë për të zhbllokuar iPhone SIM-locked të bllokuar me një kompani të huaj, me anë të programit SAM. Edhe kjo guidë funksionon në mënyrë të ngjashme me guidën tjetër që kemi publikuar 2 ditë më parë, por është ndoshta pak më e thjeshtuar dhe e sistemuar për të gjithë ato që kanë pasur probleme me guidën e mëparshme dhe që ndoshta mund të arrijnë ti zgjidhin në këtë guidë të dytë. Megjithatë ftojmë të gjithë ato që janë të interesuar, që ti hedhin një sy guidës së vjetër, që do ta gjeni këtu, pasi është më e plotë dhe në komentet poshtë do të mund të lexoni edhe eksperiencën e përdoruesve më të rregullt të blogut tonë.

Çfarë na nevojitet?

• iPhone 3GS, iPhone 4 ose iPhone 4S
• iTunes i përditësuar në versioni e fundit
• iOS 5.0.1 ose iOS 5.1 të instaluar në iPhone
• Një lidhje me internetin
• Jailbreak (Untethered 5.0.1 - Tethered 5.1)
• Operatori telefonik me të cilin është i bllokuar telefoni (Prsh. AT&T)
• Kartën Sim që dëshironi të zhbllokoni, të jetë në iPhone

| Guida
Shënim: Nuk nevojitet karta sim origjinale, por duhet të dini shtetim dhe operatorin me të cilin iPhone i juaj është i bllokuar në fillim.

Hapi 1: Hapni Cydia nga iPhone që duhet të jetë patjetër jailbroken.

Hapi 2: Tani instalojmë pakëtën SAM (Subscriber Module Artificiale) në iPhone. Ju mjafton të shtoni këtë URL: repo.bingner.com në Cydia dhe ajo do të instalohet automatikisht. (Nëse keni probleme me repon, provojeni disa herë pasi ka shumë mbingarkesë në server. Na kanë njoftuar shumë përdorues të faqes tonë, që kanë pasur këtë problem).

Hapi 3: Pasi repo të jetë instaluar, duhet të instaloni programin SAM dhe SAMPrefs. Pasi të keni instaluar SAM, ndiqni hapat që vijojnë më poshtë.

Hapi 4: Hapni programin SAM. Ju mjafton të shtyoni ikonën SAMPrefs në Springboard, ose duke gjetur paketën SAM në Settings të pajisjes tuaj. Sigurohuni që karta e juaj SIM që dëshironi të zhbllokoni të jetë e futur në iPhone.

Hapi 5: Shkoni tek "Uilities" dhe shtypni opsionin "De-Activate iPhone". Për të verifikuar që iPhone është me të vërtetë i zhbllokuar, kthehuni në menunë Settings dhe shkoni tek More Information. Etiketa "ActivationState" duhet të konfirmojë që është i ç'aktivizuar.

Hapi 6: Tani kthehuni edhe një herë tjetër tek menuja Settings kryesor (gjithmonë tek SAM), dhe më pas tek "Method" do ju duhet të zgjedhni opsionin "By Country and Carrier"ose "Autodetect" nëse nuk e njeh shtetin tuaj. Do ju mjaftojë të zgjedhni shtetin që dëshironi të përdorni për të bërë zhbllokimin (Shqipëri) dhe të zgjedhni vektorin (lexo shënim 1 më poshtë).  Kini kujdes pasi për disa vektor me më shumë se një ID Carrirer është e nevojshme të seleksiononi SIM ID në vend të emrit të operatorit tuaj (në këtë rast duhe ta provoni me disa tentativa deri sa të gjeni atë të saktin).

Shënim 1: Duhet të zgjedhni operatorin e kartës sim me të cilin iPhone është i bllokuar dhe jo atë për të cilën dëshironi ta zhbllokoni. Për shembull AT&T. Dhe është e nevojshme të zgjedhni SIM ID të saktë në rast se janë më shumë se një. Nëse nuk e gjeni dot, fusni kartën sim dhe do ta gjeni numrin duke e rifutur karten dhe duke hapur SAMprefs. Përdryshe ju këshillojmë që ta provoni me disa tentativa deri sa të gjeni atë të saktin.

Hapi 7: Pasi të keni zgjedhur vektorin shkoni tek opsioni "More Information" edhe një herë tjetër dhe kopjoni numrin "IMSI" që ndodhet në seksionin "SAM Details".

Hapi 8: Me numrin "IMSI" të kopjuar na duhet të klikojmë tek butoni Spoof Real SIM to SAM, dhe më pas të kthehemi edhe një herë tek faqja kryesore ku ishim në fillim, shkojmë tek "Method" dhe zgjedhim opsionin "Manual". Pasi të kemi zgjedhur opsionin Manual, kthehuni përsëri ku ishim dhe do të shikoni një hapësirë infot të quajtur IMSI. Bëjini "Paste" numrin IMSI që kopjuat në hapin 6.

Hapi 9: Tani shkoni tek Numri i Telefonit në iTunes me iPhone të lidhur dhe gjeni opsionin ICCID që ka edhe një numër në krah. Nëse nuk e gjeni numrin, duhet të ripërsërisni edhe një herë tjetër proçedurën nga fillimi. Nëse nuri ju shfaqet, stakojeni iPhone nga kompjuteri dhe mbyllni iTunes.

Hapi 10: Rihapni SAMPrefs dhe ç'aktivizoni opsionin Enabled in Subrscriber Artificial Module.

Hapi 11: Lidhni telefonin me iTunes përsëri, tani do ju shfaqet një error që ju njofton që telefoni nuk mund të aktivizohet. Kjo është normale. Mjafton të mbyllni iTunes dhe ta hapni përsëri.

Hapi 12: Tani duhe të shfaqen valët e sinjalit në iPhone brenda pak minutash. Telefoni juaj është zhbllokuar.

Hapi 13: Njoftimet push mund të mos funksionojnë pas kësaj proçedurë, por mund të sistemohen mjaft thjeshtë me anë të utility "clear push" në programin SAM, dhe më pas lidheni iPhone me iTunes me anë të kavos USB dhe do të jetë çdo gjë në rregull.
---

Si të bëni backup të "activation ticket" me anë të Redsn0w 

Backup i activation ticket të iPhone është një hap që këshillohet të bëhetë patjetër nga stafi i Dev-Team. Për fat të mirë, Dev-Team na e bëri atë edhe më të thjeshtë, duke lëshuar sot versionin e fundit të Redsn0w. Ky hap këshillohet për të gjithë ato që kanë zhblokuar iPhone-in e tyre me anë të guidës tonë nëpërmjet programit SAM. Nëse e keni lexuar me kujdes guidën tonë, ne ju kemi këshilluar që të shpëtoni "activation ticket" për të pasur mundësinë e aktivizimit të iPhone edhe në të ardhmen.

Hapi 1: Hapni  RedSn0w 0.9.10b8 dhe klikoni Extras -> Even more -> Backup

Hapi 2: Lëreni direktorinië default ashtu siç është ku thuhet "Please a path to backup" dhe shtypni Ok për ta shpëtuar dokumentin në kompjuter

Hapi 3: RedSn0w do të shpëtojë një file .zip në direktotinë tuaj  /var/root/Library/Lockdown në të njëjtin vend ku është i instaluar RedSn0w në kompjuterin tuaj.

Përditësim: Po e përditësojmë këtë artikull sepse më në fund kemi një videoguidë të realizuar nga stafi i iDownloadBlog, i cili shpjegon në mënyrë shumë të qartë se si të përdorni SAM për të aktivizuar iPhone me BaseBand të bllokuar.

Instaloni SAM nga Cydia > fusni kartën Sim që dëshironi të zhbllokoni > hapni SAMprefs > shkoni tek Utilities > shtypni Attempt Activation > pajisja juaj do të bëjë një respring dhe duhet të njohë kartën Sim > nëse kjo nuk ndodh, ndiqni hapat tek videoja më poshtë.



Kjo ishte edhe guida jonë e dytë, më e thjeshtuar dhe më përmbledhëse. Shpresojmë t'ju kemi ndihmuar sadopak. Për paqartësi, pyetje apo për të treguar eksperiencën tuaj dhe për të ndihmuar edhe të tjerët në zhbllomin e iPhone në këtë mënyrë, ju ftojmë të komentoni më poshtë. /iPhoneAlbania

Postuar në: 04.11.08,04.12.01,Guida,SAM,Unlock